De todas as series de debuxos, creo que unha das máis buscadas é a mítica serie GatoCan, aquela divertida e estraña historia do felino e o can que compartían o mesmo corpo, que tanto nos fixo rir no programa Xabarín Club.
Malia ser un clásico da nosa infancia, na actualidade é unha serie perdida en galego, xa que non existen edicións oficiais. O obxectivo é recuperar esta parte do noso patrimonio audiovisual para que non se perda no esquecemento.
Por este motivo, facemos un chamamento a calquera coleccionista ou afeccionado que poida ter material gardado na casa.
Se conservas algunha cinta VHS gravada da televisión, DVDs con gravacións antigas ou calquera outro soporte que conteña episodios coa dobraxe da TVG, por favor, ponte en contacto connosco.
Non importa se a calidade non é perfecta; calquera fragmento é valioso para dixitalizar e compartir coa comunidade. Entre todos podemos facer que o Gato e o Can volvan falar o noso idioma para as novas xeracións. ¡Grazas pola túa axuda!