Dende que comecei este proxecto como un hobby, a miña prioridade sempre foi compartir a miña paixón polo anime/debuxos en galego con todos vós do mellor xeito posible. Por iso, hoxe estou moi ilusionado de presentarvos o novo deseño da nosa web!
Decidín dar este paso para ofreceros unha experiencia moito máis cómoda e intuitiva á hora de navegar polas vosas series favoritas.
Non só se trata dun cambio estético; tamén realicei unha actualización profunda do sistema “por dentro”. O novo código é máis limpo, o que fai que a web cargue máis rápido, sexa máis estable e, sobre todo, moito máis segura para todos.
Aínda que este segue a ser un proxecto persoal que fago no meu tempo libre, quero que o resultado sexa o máis “profesional” posible. Espero que vos guste esta nova cara da web e que desfrutedes aínda máis do anime en galego.
Se atopades calquera erro nestes primeiros días de lanzamento, por favor, avisádeme.
Grazas polo voso apoio constante!